ادب وثقافة مصر الوطن

كلام المعݣور موزون

كلام المعݣور موزون

!
(زجل مغربي)

يا سامع ل كلامي ليوم
تأمل فالمعنى من هاذ القول
وتمعن ف الرنة وف لغنا
راه المعݣور كلامو موزون

وصايتي ليك يا ذاك الݣوال
لا تكتب حتى تحس ب لكلام
وألزم الصمت وتأمل مزيان
مصاب تسرح وتجمع شي حروف

راه ميزان لقصيدة عندك محمول
ساكن ف ݣلب كل مجروح
يتعذب بالليل سهران بلا نوم
مغطي بالتخمام وسط الهم مدفون

راه كلام المعݣور ملحن وموزون
لا قافية تليق تزين ضلوع لبيوت
ولا كلمة تبرز بين لكلام وتفوح
صادق قلبك وتصنت آش بغى يݣول

-بقلم: محمد دومو
-مراكش/ المغرب ( 04 يناير 2024 )

مقالات ذات صلة

اترك تعليقاً

زر الذهاب إلى الأعلى